Siste nytt – NRK

Retten har avgjort å lauslate mannen som er sikta for vald i Strandgaten i Bergen

Retten vil lauslate den mannen i 20-åra som er sikta for ei valdshending natt til 18. mai, melder VG.

Sundag ettermiddag opplyser forsvarar og advokat Erik Johan Mjelde til VG at påtalemakta ikkje fekk medhald i vidare varetektsfengsling:

– Retten har under tvil kome fram til at villkåra for varetektsfengsling på bakgrunn av gjentakingsfare ikkje er til stades. Retten viser til at han er under psykiatrisk behandling og oppfølging, seier Mjelde til VG.

– Lauslating vil ikkje hjelpe min klient. Han treng oppfølging og hjelp. Det viktige er at han får hjelp frå helsevesenet.

Mannen i 20-åra er sikta for eitt tilfelle av kroppsskade og to tilfelle av kroppskrenging.

Irans president involvert i helikopterulykke

Et helikopter i et følge som fraktet president Ebrahim Raisi har vært utsatt for en ulykke. Om Raisi var om bord i helikopteret som fikk problemer, er foreløpig ikke kjent. Foreløpige opplysninger tyder på at helikopteret var utsatt for «en hard landing», ifølge nyhetsbyrået SNN og statlig TV i Iran.

Det var tre helikoptere i følget til presidenten.

Redningsmannskaper forsøker å nå fram til stedet i provinsen Øst-Aserbajdsjan.

Minst 35.456 palestinarar drepne i krigen i Gaza

Minst 70 palestinarar er drepne i den israelske offensiven i Gaza det siste døgnet, ifølge helsestyresmaktene på Gazastripa, melder AFP.

Totalt er minst 35.456 palestinarar drepne sidan krigen mellom Hamas og Israel starta for over sju månader sidan.

I tillegg er minst 79.476 menneske såra i krigen.

Macron og Scholz uroa for Georgias nye lov

Frankrikes president Emmanuel Macron og Tysklands forbundskanslar Olaf Scholz har kome med ei felles fråsegn om Georgias nye «framand agent»-lov, skriv AFP.

– Vi beklagar djupt, men tek til etterretning at den georgiske regjeringa har bestemt seg for å gå bort frå EU-kandidatlandets europeiske veg, skriv dei på Facebook.

Den omstridde lova blei vedteke tysdag, etter veker med demonstrasjonar og protestar.

Lova inneber at organisasjonar som får minst 20 prosent finansiering frå utlandet, må registrere seg som utanlandske agentar, og med det opne for fullt innsyn frå styresmaktene.

Georgias president Salome Zourabisjvili har lagt ned veto mot lova.

Meldingar om smell og røyk ved fengsel i Göteborg

Politi og brannvesen rykte søndag ut etter meldingar om eksplosjonar og røyk i eit område like ved eit fengsel i Göteborg, melder SVT.

Men det er uklart kva som har skjedd. Politiet seier det ikkje er noko som tyder på personskadar eller at det har skjedd noko kriminelt. Dei har heller ikkje funne noko som tyder på at det har vore ein eksplosjon i området.

Trafikken på vegen som gjekk forbi fengselet blei stengd i samband med undersøkingane.

Aftenposten: To menn siktet for voldtekt i Oslo natt til 18.mai

– Vi har opprettet en anmeldelse på voldtekt som skal ha skjedd natt til 18. mai, sier politiadvokat Henrik Rådal til Aftenposten.

To menn er pågrepet og siktet i saken.

Den ene skal være i 20-årene, den andre i 40-årene, ifølge avisa.

Voldtekten skal ha skjedd utendørs og et vitne skal ha meldt ifra til politiet.

– Den ene mannen ble pågrepet natt til i dag. Den andre ble pågrepet i formiddag, sier Rådal ved 13-tiden søndag.

De siktede mennene vil avhøres i løpet av dagen, før det vil bli avgjort om de skal fremstilles for fengsling.

Det skal ikke være noen relasjon mellom de siktede og fornærmede, skriver Aftenposten.

Mannen i 40-årene erkjenner ikke straffskyld, ifølge hans forsvarer.

Ny leiteaksjon etter sakna mann i Stryn

Søndag er det sett i gang ein ny leiteaksjon etter den sakna Christoffer Ordahl i Stryn. 30-åringen la ut på fjelltur førre fredag, og sidan har han ikkje gitt teikn frå seg.

Søndag er politiet og 20-25 personar frå lokalt Røde Kors med i aksjonen. Dei søker med utgangspunkt frå området der mobiltelefonen til den sakna mannen sist sende signal, seier politioverbetjent Vidar Stavik til avisa Fjordingen.

Familien til Ordahl har også gitt informasjon om kva han hadde på seg, til media.

Ordahl er 1,95 meter høg og hadde på seg ei jakke med veldig synleg blåfarge.

17. mai melde politiet at dei formelt hadde avslutta leiteaksjonen etter Ordahl, og at saka vidare blir etterforska som sak som gjeld sakna person.

Cameron: Valden i Darfur kan vere eit brotsverk mot menneskeslekta

Storbritannias utanriksminister seier valden i Darfur-regionen i Sudan kan vere eit brotsverk mot menneskeslekta, melder Reuters.

– Eg er djupt uroa over særs truverdige rapportar om at ein del av valden i Darfur er etnisk motivert, sa Cameron i ei utsegn som er publisert på nettsidene til den britiske regjeringa.

Titusenvis av menneske er drepne og fleire millionar er drivne på flukt frå kampane mellom regjeringshæren og militsen som starta i fjor.

Noomi Rapace skal spele Mor Teresa

Den svenske skodespelaren Noomi Rapace skal spele Mor Teresa i ein ny film av regissøren Teona Strugar Mitevska, skriv The Hollywood Reporter.

Filmen «Mother» handlar om dagane Mor Teresa tek valet om å grunnlegge sin eigen søsterorden i Calcutta i 1950.

Filmen blir makedonske Mitevskas første engelskspråklege film.